Weeraro cirka ah oo ay Israel ka fulisay bartamaha iyo koonfurta Lubnaan ayao 24 saac gudahood ku dilay 41 qof, sida ay sheegeen saraakiil caafimaad oo Lubnaan. Xiisadda u dhaxaysa Israel iyo Xisbullaah ayaa kordhaysa, iyadoo uu socdo hawlgal ciidan oo Israa’iil ay ku waddo gobolka.
Faahfaahinta weerarkii isreal ka geysatey lubnaan
Weerarada ayaa bilaabmay 1-da Maajo 2026 subaxnimo, waxayna socdeen ilaa 2-da Maajo. Waxaa lagu duqeyay in ka badan toban goobood, oo ay ka mid yihiin xaafadaha koonfurta Bayruut, dooxada Beqaa, iyo magaalooyinka xuduudka koonfureed. Saraakiil boolis ayaa sheegay in weerarada lagu ekaa diyaarado dagaal iyo gantaalo fog-fog, iyadoo ay dumay dhismayaal la sheegay in ay isticmaaleen Xisbullaah, sidoo kale guryo rayid ah.
Tirada dhimashada iyo dhaawacyada
Wasaaradda Caafimaadka Lubnaan ayaa shaacisay: 41 qof oo dhimatay – 27 rag, 10 haween, 4 carruur. Dhaawacyada ayaa gaaray 138 qof. Dhimashada ugu badnayd waxay ka dhacday magaalada Nabatiyah iyo agagaarka Baalbek. Dhismo laba dabaq ah oo ku yaalla bartamaha Bayruut ayaa lagu dilay 12 qof, oo ay ku jiraan qoys ka soo barakaray koonfurta.
Xisbullaah ayaa sheegtay in weerarayaashu yihiin “dambiyo dagaal oo ka dhan ah dadka rayidka ah,” waxayna ku hanjabeen “jawaab adag.” Waxay sheegeen in ay duqeyn ku qaadeen saldhigyo ciidan oo Israa’iil ah.
Ciidamada gumeystaha Israa’iil (IDF) ayaa sheegay in weeraradu yihiin “ka hortag” looga dan leeyahay in laga hortago salal iyo hub ay Xisbullaah u adeegsato weerarada Israa’iil. IDF waxay sheegtay in ay bartilmaameedsatay 30 goobood oo ay ka mid yihiin dhismooyin hub lagu keydiyo iyo tuubooyin gantaallo.
Weerarada ayaa sii kordhiyay xiisadda gobolka, iyadoo la filayo falgal celin labada dhinac. Dadaallada dhexdhexaadinta ayaa dib u dhacay, dhimashada rayidka ayna kordhisay cadaadis caalami si colaadu u degto.
